«Жолың болсын, Жас түлек!»

Жетісу облысы Қаратал ауданы Оян ауылындағы МДШО бар орта мектебінде 18 маусым күні  жалпы орта білім туралы аттестатты табыстау үшін «Жолың болсын, Жас түлек!» атты мектеп түлектерімен қоштасу жиыны ұйымдастырылды. Салтанатты жиында мектеп директоры А.Ж.Сейдаханова, жиынға қатысушы қонақ Д.Т.Ашықбаев түлектерге сәт сапар тіледі. Биылғы оқу жылының қорытындысы бойынша мектебімізде жалпы негізгі орта білім туралы аттестатты алатын, яғни 9 – сыныпты бітірушілер саны 12 оқушы. Ал, 11 – сыныпты бітіруші түлектер саны – 6 оқушы болса, оның 2-і «Best аттестат» иегерлері. Жиынға қатысушы ата-аналар оқушыларға сәт сапар, жылы лебіздерін білдірді.