"Ұстазға алғыс"

Жетісу облысы Қаратал ауданы Оян ауылындағы МДШО бар орта мектебінде ұстаздар күніне орай "Ұстазға алғыс" атты мерекелік концерті өткізілді. Іс-шараның басты мақсаты – ардагер ұстаздарға құрмет көрсетіп, бүгінгі жас буынға ұстаздық жолдың қадір-қасиетін насихаттау. Мерекелік кешке ардагер ұстаздармен қатар,  мектебіміздің білім саласына өз үлесін қосып жүрген ұстаздар алғыс хатпен марапатталды.  Қатысушы ардагер ұстаздар да  ұстаздардың қоғамдағы рөлі мен еңбегіне тоқталып, жылы лебіздерін білдірді. Шара барысында өнерпаздар музыкалық композициялар мен би қойылымдарын ұсынып, мерекелік көңіл-күй сыйлады. Ұстаздарға гүл шоқтары табысталып, құрмет көрсетілді. Бұл концерт – білім саласы ардагерлеріне алғыс білдірумен қатар, жас ұрпаққа өнеге, парасат пен мейірімнің мерекесі болды.