«Отбасылық кітап оқу»

Жетісу облысы Қаратал ауданы Оян ауылындағы МДШО бар орта мектеп кітапханашысы 25 наурыз күні «Балалар кітапханасы» жобасы аясында «Отбасылық кітап оқу» іс-шарасын ұйымдастырды. Іс-шараның негізгі мақсаты – оқушылардың бос уақытын тиімді пайдалануына ықпал ету және кітап оқуға деген қызығушылығын арттыру. Осы жоба аясында оқушылар көктемгі демалыс кезінде үй жағдайында отбасымен бірге кітап оқып, өз ойларымен бөлісті. Көптеген оқушылар ата-аналарымен бірге әртүрлі көркем шығармаларды оқып, кейіпкерлердің іс-әрекеттерін талқылады. Бұл олардың оқу дағдысын жақсартуға, ой-өрісін кеңейтуге және отбасылық қарым-қатынасты нығайтуға оң әсерін тигізді.