«Бейбіт күн жасасын!»

Жетісу облысы Қаратал ауданы Оян ауылындағы МДШО бар орта мектеп кітапханасында 9 мамыр – Жеңіс күніне арналған «Бейбіт күн жасасын!» атты кітап көрмесі ұйымдастырылды. Көрменің мақсаты-оқушыларға Жеңіс күні мерекесінің тарихи маңызын түсіндіру, Ұлы Отан соғысы ардагерлерінің ерлігін насихаттау, жас ұрпақты отансүйгіштікке, елін-жерін құрметтеуге тәрбиелеу, бейбіт өмірдің қадірін ұғындыру және кітап оқуға қызығушылықтарын арттыру. Іс-шара барысында оқушыларға Ұлы Отан соғысы жылдарындағы тарихи оқиғалар, ел қорғаған батырлар мен ардагерлердің ерлігі туралы кітаптар таныстырылды. Сонымен қатар, Бауыржан Момышұлы, Әлия Молдағұлова, Мәншүк Мәметова, Рахымжан Қошқарбаев, Талғат Бигелдинов сынды қаһарман тұлғалардың өмірі мен ерліктері жайлы мәліметтер берілді. Кітап көрмесі оқушылардың тарихи танымын кеңейтіп, бейбітшілік пен татулықтың маңызын түсінуге ықпал етті.